Fagbladet Bondevennen er eit tradisjonsrikt og aktuelt fagblad som skriv om den viktigaste næringa i Noreg - jordbruket. Bondevennen blei etablert i 1898 og er landets eldste og einaste regionale landbrukstidsskrift. Bladet har ein solid posisjon som fagblad og talerøyr for landbruket og bygdene på Sør- og Vestlandet, med tyngdepunkt i Rogaland. Bondevennen gir årleg ut 22 utgåver, i papir og på nett. Opplaget er på 4000. Vi publiserer også jamleg nye episodar av Bondevennens podcast med fagleg, sosialt og landbrukspolitisk innhald. Bondevennen er eit AS som er eigd av Felleskjøpet Rogaland Agder (FKRA). Redaksjonen har fem tilsette og er samlokalisert med hovudkontoret til FKRA i Stavanger.

Bondevennen søkjer ein engasjert og nysgjerrig landbruksfagleg Journalist som brenn for gode historier, levande formidling og framtida til norsk landbruk. Vi ser etter deg som trivst både ute på gardstunet og som ønskjer å løfta fram menneska, det faglege og samfunnsrolla til landbruket.

Som journalist i Bondevennen skal du produsera innhald til papirutgåva, nettsaker, bilete og video til nettside og sosiale medium. Det er også moglegheit for å engasjere seg i podcast og formidling med lyd.

Du skal vera tett på næringa, finna dei gode historiene og formidla dei på ein måte som engasjerer dagens og morgondagens lesarar. Journalisten skal produsera relevant, truverdig innhald for fagbladets lesarar. Stillinga skal bidra til fagleg påfyll, informasjon, inspirasjon og skape debatt om aktuelle tema innan landbruk, matproduksjon, teknologi, næringsutvikling, klima og landbrukspolitikk.

Rolla inneberer noko reiseverksemd.

Stillinga rapporterer til redaktør og har kontorstad i Hillevåg.

Vi tilbyr:

Bondevennen har ein liten redaksjon med godt arbeidsmiljø. Hjå oss jobbar du i eit miljø prega av fag, engasjement og samarbeid. Her er stort rom for læring og utvikling. Du blir en del av ei framtidsretta verksemd med lange tradisjonar og ei viktig rolle i norsk landbruk. Vi tilbyr konkurransedyktige vilkår, gode pensjons- og forsikringsordningar samt personalrabattar i FKRA.

Ønska kvalifikasjonar:

• Høgare utdanning innan landbruk.
• Utdanning innan journalistikk, kommunikasjon eller mediefag eller annan relevant erfaring.
• Erfaring med journalistisk arbeid og innhaldsproduksjon.
• Interesse for landbruk, matproduksjon og næringsliv på bygda.
• God skriftleg og munnleg framstillingsevne på nynorsk og bokmål.
• Erfaring med foto, video eller digitale forteljarformat.
• Kjennskap til sosiale medium og publisering på digitale plattformer.

Du er initiativrik, sjølvstendig, strukturert og blir motivert av å skape gode relasjonar og bidra saman med kollegaene dine. Videre er du nysgjerrig, samfunnsengasjert og ønsker å bidra som ein viktig stemme i bransjen.

Oppstart: Etter avtale

Søknadsfrist: 13. september 2026