Fagbladet Bondevennen er eit tradisjonsrikt og aktuelt fagblad som skriv om den viktigaste næringa i Noreg - jordbruket. Bondevennen blei etablert i 1898 og er landets eldste og einaste regionale landbrukstidsskrift. Bladet har ein solid posisjon som fagblad og talerøyr for landbruket og bygdene på Sør- og Vestlandet, med tyngdepunkt i Rogaland. Bondevennen gir årleg ut 22 utgåver, i papir og på nett. Opplaget er på 4000. Vi publiserer også jamleg nye episodar av Bondevennens podcast med fagleg, sosialt og landbrukspolitisk innhald. Bondevennen er eit AS som er eigd av Felleskjøpet Rogaland Agder (FKRA). Redaksjonen har fem tilsette og er samlokalisert med hovudkontoret til FKRA i Stavanger.

Fagbladet Bondevennen er i utvikling og ønsker å styrka vår posisjon og nå nye lesarar. Derfor søker vi ein allsidig og initiativrik medarbeidar.

Som vår nye Mediekonsulent får du bli med å påverka Bondevennen si strategiske marknadstenking framover. Du får blant anna ansvar for sal av annonsar – i ulike format, og du tenker nytt for å nå nye abonnentar. Ein viktig del av jobben blir å følgja opp eksisterande og nye kundar, og bygga gode relasjonar i marknaden. Administrativt arbeid, korrekturlesing og vedlikehald av abonnementsystemet vårt blir òg ein del av jobben. Og ikkje minst får du bli med å utvikle podcast-konseptet vårt.

Vi tilbyr:

Som tilsett i Bondevennen får du samarbeida med dyktige og engasjerte kollegaer på tvers av avdelingar og miljø. Stillinga som Mediekonsulent er unik, allsidig og utfordrande. Det er stort rom for kreativitet og nytenking og du blir ei viktig brikke i Bondevennen si vidare utvikling.

Stillinga gir gode utviklingsmoglegheiter, konkurransedyktige vilkår og gode forsikrings- og pensjonsordningar.

Ønska kvalifikasjonar:

• Relevant fagbrev/høgare utdanning
• Gode IT-kunnskapar og interesse for digitale løysingar
• Erfaring med sal og marknadsføring av media
• Kunnskap om merkevarebygging, kommunikasjon og marknadsføring
• Gode kommunikasjons- og samarbeidsevner
• Sterk språkleg, både bokmål og nynorsk
• Kjennskap til MS Dynamics eller andre ERP-system kan vera ein fordel

Du er allsidig, strukturert og resultatorientert, og likar å jobba sjølvstendig. Du er ansvarsmedviten, fleksibel og lærevillig. Du er løysingsorientert, inkluderande og ein god lagspelar. Kjennskap til landbruket kan vera ein fordel.

For spørsmål om stillinga ta kontakt med redaktør og dagleg leiar, Bothild Åslaugsdotter Nordsletten.

 

Oppstart: Etter nærmare avtale

Søknadsfrist: 25. mai 2025